Het hiele huis van Jan en Betty geurt as n olderwetse bakkerij en dat is ok gien wonder want Betty het de hiele dag ien e keuken ien e weer west. Op e keukentoavel stoan twee rieten maanden met theedoeken der overhenne. Ien e maand zitten kleine popkes van deeg, het bennen fieterknuten.
…
Met zien 67 joar valt Maans vanzelf ien e risicogroep al is er host nooit ziek. Hij werd vanmörgen wakker en vuult niks niet lekker. Zien kop bonkt, hij moet hoesten en de pokkel dut hem zeer. Doarom stapt er op e fiets en ridt soamen met Pjotr noar de huusarts. Hij zet de fietst, achter de praktijk, tegen t hek aan en moakt Pjotr met de riem aan e fiets vast.
…
Ien de joaren zeuventeg stookte onze hiele buurt nog op butagasflessen of men had een Benegas-tank ien de tuun. En toen begonnen ze op 300 meter veur onze deur met een gasboring. Der werd ene groot hek ploatst, vrachtwoagens met materioal kwammen aanrieden en noa een poar week ston der een echte boortoren. Onder veul beboal werden de eerste buizen de grond ien dreven. Het zil een moand of wat duren, zeeden ze van de NAM, moar dan brand de vlam.
…
Noura had tiedens e busreis van Stad noar Opende verboasd noar buuten keken. Wat was et hier leeg en verloaten. Ze kreeg twiefels of ze hier wel goed aan doan had. Op aanroaden van een kennis had ze zich opgeven veur n vekanzie ien Grunnen. Ze was al zo laang niet meer uut huus west, want dat kon ze niet betoalen. Nou was t zo ver.
…Maans is wies met zien lutje hondje Pjotr en moakt zich der steeds meer zörgen over dat t beestje zo voak pissen moet. De dierendokter zee dat t gewoon olderdom was, mor Maans was der met aan. Misschien kwam t wel deur t voer en doarom besloot er om es noar de dierewinkel te goan.
Hij kende de boas van e winkel goed, want ze hadden soamen op t toneel zitten. De man was zo’n bietje de regisseur en was mor wat bliede west met Maans, die altied groag een kleine wat aparte rol speulde en begon drekst te meroakelen toen Maans binnen kwam. Mor Maans kwam drekst ter zoake.
…