Verhoalen van 2 oldere mensen, die al een heel leven achter de rug en mekoar in Corona-tied vonden hem en gezelschap holden.
Jan het achter ien e tuun fruitbomen stoan en is dit joar slim wies met t resultoat! Mooie dikke sukkerperen en flink wat moesappels en stoofperen. Veural die sukkerperen. Heerlek. As ze goed riep bennen, dan kinst er zo n rietje iensteken en leeg slobberen. En ruukst ze deur de hiele tuun henne.
Betty scharrelt wat deur Jan’s keuken en tovert een bakblik te veurschien.
‘Jan, astoe mij wat appels en peren hoalst, dan bak ik n lekkere toart veur bij de kovvie.
…
Het hiele huis van Jan en Betty geurt as n olderwetse bakkerij en dat is ok gien wonder want Betty het de hiele dag ien e keuken ien e weer west. Op e keukentoavel stoan twee rieten maanden met theedoeken der overhenne. Ien e maand zitten kleine popkes van deeg, het bennen fieterknuten.
…