Klompkes op Diepswal
Klompkes op Diepswal,
4 jonkjes met een hengelstok
Lachend op Diepswal,
n hoan kraait vroeg ien t piekehok
En e zun blikkert over t wotter henne,
hest gien zörgen bist nog moar tien
Dien leven aan Diepswal, et leven van een kiend.
Klompen op Diepswal, 4 jongens proaten bij et hek.
Dörsteg aan Dieps wal, t stroo ien huus, hooivörk op e nek.
En de oavendzun blikkert over t wotter henne, wost nooit moede, bist vieftien joar
Dien leven aan Diepswal , veur t leven bist kloar
Op sokken op Diepswal, 4 jonge mannen drukken zich tegen de muur.
Schiemerduuster aan Diepswal, verschuulen zich ien e olde schuur.
En de moan blikkert over t wotter henne, kiek uut dien doppen, alert, altied kloar
Dien leven aan Dieps wal , jong leven vol gevoar
Steevels op Diepswal, jonge kirrels, met handen ien e lucht
Zwaarte nacht aan Diepswal, verroad, gien tied meer veur een vlucht.
Troanen lopen deur t wotter henne, moeke of doe, wel is nou t baangst
Dien leven aan Diepswal , nou vol van pien, zörg en angst.
Wij lopen op Diepswal, 100 mannen en vraauwen zwiegen, 8 uur, 4 mei
Ieskold aan Dieps wal, soamen moar ok allent, doarom roakt et dij
Tied en wiend slagt rimpels over t wotter henne, 2 minuten stil, trompet bloast t ende
Het leven aan Dieps wal, zoas ik het ken.